భార్య ప్రసవ సమయంలో పురుష ఉద్యోగులకు 15 రోజుల పితృత్వ సెలవు, బిడ్డను చట్టబద్ధంగా దత్తత తీసుకునే మహిళా ఉద్యోగులకు 180 రోజుల దత్తత సెలవు లభిస్తాయి. 11వ PRC లో (G.O.Ms.No.33, 2022) దత్తత తీసుకునే ఒంటరి పురుష ఉద్యోగులకూ పితృత్వ సెలవు ఇచ్చారు. పూర్తి నిబంధనలు:
| పితృత్వ సెలవు | 15 రోజులు, పూర్తి వేతనం (G.O.Ms.No.231, Fin, 16-09-2005) |
| అర్హత | వివాహిత పురుష ఉద్యోగులు (రెగ్యులర్ / తాత్కాలిక); జీవించి ఉన్న పిల్లలు ఇద్దరి కంటే తక్కువ |
| ఎప్పుడు వాడుకోవాలి? | ప్రసవానికి 15 రోజుల ముందు నుంచి లేదా ప్రసవం తర్వాత 6 నెలల లోపు |
| దత్తత సెలవు (మహిళలు) | 180 రోజులు (G.O.Ms.No.33, Fin, 08-03-2022) |
| ఒంటరి పురుషులకు దత్తత సందర్భంలో | 15 రోజులు, దత్తత తీసుకున్న 6 నెలల్లో |
| లీవ్ అకౌంట్ నుంచి తగ్గింపు | లేదు |
1. పితృత్వ సెలవు (Paternity Leave)
- 15 రోజులు పూర్తి వేతనంతో – వివాహిత పురుష ఉద్యోగులకు (G.O.Ms.No.231, 16-09-2005).
- జీవించి ఉన్న పిల్లలు ఇద్దరి కంటే తక్కువ ఉండాలి.
- భార్య ప్రసవానికి 15 రోజుల ముందు నుంచి లేదా ప్రసవం తర్వాత 6 నెలల లోపు వాడుకోవాలి (Cir. Memo No.20129-C/454/FR.I/2010, 21-07-2010).
- దరఖాస్తుతో భార్య గర్భ / ప్రసవ వైద్య ధ్రువపత్రం, తర్వాత జనన ధ్రువపత్రం జతచేయాలి.
- EL వంటి ఇతర సెలవులతో కలిపి వాడుకోవచ్చు.
2. దత్తత సెలవు (Child Adoption Leave) – మహిళా ఉద్యోగులు
- ఒక ఏడాది లోపు వయసున్న బిడ్డను చట్టబద్ధంగా దత్తత తీసుకుంటే 180 రోజుల దత్తత సెలవు.
- జీవించి ఉన్న పిల్లలు ఇద్దరి కంటే తక్కువ ఉండాలి.
- సెలవుకు ముందు తీసుకుంటున్న వేతనమే చెల్లిస్తారు; లీవ్ అకౌంట్ నుంచి తగ్గించరు.
- ఇతర సెలవులతో కలపవచ్చు.
3. దత్తత తల్లికి అదనపు సెలవు
దత్తత సెలవుతో పాటు, బిడ్డ వయసు ఆధారంగా నిల్వ ఉన్న సెలవులు (వైద్య ధ్రువపత్రం లేకుండా 60 రోజుల వరకు కమ్యూటెడ్ లీవ్, లీవ్ నాట్ డ్యూ సహా) కలిపి గరిష్ఠంగా ఒక ఏడాది (దత్తత తేదీ నాటి బిడ్డ వయసును తగ్గించి) వరకు వాడుకోవచ్చు:
| దత్తత తేదీ నాటి బిడ్డ వయసు | అదనపు సెలవు గరిష్ఠంగా |
|---|---|
| 1 నెల లోపు | ఒక ఏడాది వరకు |
| 6 నుంచి 7 నెలల లోపు | 6 నెలల వరకు |
| 9 నుంచి 10 నెలల లోపు | 3 నెలల వరకు |
4. ఒంటరి పురుష ఉద్యోగులు
- అవివాహిత, భార్య చనిపోయిన, విడాకులు తీసుకున్న పురుష ఉద్యోగులు బిడ్డను దత్తత తీసుకుంటే, దత్తత తేదీ నుంచి 6 నెలల్లోపు 15 రోజుల పితృత్వ సెలవు (G.O.Ms.No.33, 2022).
- వీరికి చైల్డ్ కేర్ లీవ్ (180 రోజులు) సదుపాయం కూడా ఉంది.
తరచుగా అడిగే ప్రశ్నలు
ప్ర: పితృత్వ సెలవు ఎన్ని రోజులు?
జ: 15 రోజులు, పూర్తి వేతనంతో.
ప్ర: ప్రసవం తర్వాత ఎంత కాలంలో వాడుకోవాలి?
జ: 6 నెలల లోపు (లేదా ప్రసవానికి 15 రోజుల ముందు నుంచి).
ప్ర: మూడో బిడ్డకు పితృత్వ సెలవు వస్తుందా?
జ: జీవించి ఉన్న పిల్లలు ఇద్దరు ఉంటే రాదు.
ప్ర: దత్తత సెలవు ఎన్ని రోజులు?
జ: ఏడాది లోపు బిడ్డను దత్తత తీసుకున్న మహిళా ఉద్యోగులకు 180 రోజులు.
ప్ర: పురుషులు దత్తత తీసుకుంటే?
జ: ఒంటరి పురుష ఉద్యోగులకు 6 నెలల్లో 15 రోజులు.
