రాష్ట్రంలోని ప్రతి ప్రభుత్వ కార్యాలయం తనకు మాత్రమే కేటాయించిన QR Code పోస్టర్ను ప్రదర్శించాలని, దాని ద్వారా కార్యాలయానికి వచ్చే ప్రజలు ఆ కార్యాలయం, సిబ్బంది పనితీరుపై నేరుగా అభిప్రాయం (Feedback) తెలియజేసేలా QR Code Based Visitor Feedback System అమలు చేయాలని ప్రభుత్వం ఆదేశించింది. ఈ పని చాలా కార్యాలయాల్లో పెండింగ్‌లో ఉండటంతో, రియల్ టైమ్ గవర్నెన్స్ శాఖ ద్వారా ప్రభుత్వ ప్రధాన కార్యదర్శి Memo No. RTG01-RTG0RTGS/72/2026-FHA, తేదీ 11-10-2026 జారీ చేశారు. అన్ని శాఖల కార్యదర్శులు, HODలు, జిల్లా కలెక్టర్లు 15-10-2026 లోగా పోస్టర్ల ఏర్పాటు పూర్తి చేయాలని అందులో స్పష్టం చేశారు.
| మెమో | RTG01-RTG0RTGS/72/2026-FHA, తేదీ 11-10-2026 |
| జారీ చేసినది | ప్రభుత్వ ప్రధాన కార్యదర్శి, రియల్ టైమ్ గవర్నెన్స్ శాఖ |
| మొత్తం కార్యాలయాలు | 35,925 (Annexure-1 ప్రకారం) |
| పోస్టర్ పెట్టినవి | 15,297 (42.58%) |
| ఇంకా పెట్టనివి | 20,628 |
| గడువు | 15-10-2026 |
| పోర్టల్ | www.sso.ap.gov.in (CFMS ID తో లాగిన్) → EPTS |
QR Code పోస్టర్ డౌన్‌లోడ్ చేసే విధానం
- APSSO పోర్టల్‌లో లాగిన్: www.sso.ap.gov.in తెరిచి మీ CFMS ID తో లాగిన్ అవ్వండి.
- EPTS కార్డు: హోమ్ పేజీలో కనిపించే EPTS కార్డుపై క్లిక్ చేయండి.
- QR Code మెనూ: EPTS లో QR Code మెనూ ఎంచుకోండి.
- పోస్టర్ డౌన్‌లోడ్: మీ కార్యాలయానికి ప్రత్యేకంగా రూపొందించిన QR Code పోస్టర్ను డౌన్‌లోడ్ చేసుకోండి.
ఆ కార్యాలయంలో పనిచేసే ఏ ఉద్యోగి అయినా తమ CFMS ID తో ఈ పోస్టర్ను డౌన్‌లోడ్ చేయవచ్చు. కేవలం కార్యాలయ అధిపతి మాత్రమే చేయాలన్న నిబంధన లేదు.
ప్రింట్, ఫ్రేమ్, ప్రదర్శన
- పోస్టర్ను A2 సైజ్ (420 × 594 mm) లో కలర్ ప్రింట్ తీసి ఫ్రేమ్ చేయించండి.
- కార్యాలయానికి వచ్చే వారు సులభంగా స్కాన్ చేయగలిగే చోట, స్పష్టంగా కనిపించేలా ప్రదర్శించండి.
- మీ కార్యాలయానికి కేటాయించిన పోస్టర్‌నే వాడాలి. వేరే కార్యాలయం పోస్టర్ పెడితే ఫీడ్‌బ్యాక్ ఆ కార్యాలయానికి వెళ్తుంది.
ఫోటో అప్‌లోడ్ తప్పనిసరి
పోస్టర్ పెట్టిన తర్వాత, ప్రదర్శించిన పోస్టర్ ఫోటోను EPTS పోర్టల్‌లో అప్‌లోడ్ చేయాలి. ఇదే ప్రదర్శనకు రుజువు. ఫోటో అప్‌లోడ్ చేయకపోతే మీ కార్యాలయం "Not Placed" జాబితాలోనే ఉంటుంది.
మార్గం: EPTS Portal → QR Code → Upload QR Code Photo
శాఖలవారీ స్థితి – ముఖ్యమైనవి
మెమోకు జత చేసిన Annexure-1 ప్రకారం గ్రామ/వార్డు సచివాలయాలు 100% పూర్తి చేయగా, చాలా పెద్ద శాఖలు 1% కూడా దాటలేదు:
| శాఖ | కార్యాలయాలు | పెట్టినవి | పెండింగ్ |
|---|---|---|---|
| Village/Ward Secretariats | 15,009 | 15,009 | 0 |
| Secondary Education (పాఠశాల విద్య) | 3,874 | 2 | 3,872 |
| Animal Husbandry, Dairy & Fisheries | 3,266 | 26 | 3,240 |
| Health, Medical & Family Welfare | 1,818 | 2 | 1,816 |
| Panchayat Raj & Rural Development | 1,706 | 2 | 1,704 |
| Revenue | 1,577 | 26 | 1,551 |
| Agriculture, Marketing & Co-operation | 1,316 | 7 | 1,309 |
| Social Welfare | 1,234 | 1 | 1,233 |
| Water Resources | 1,080 | 2 | 1,078 |
| Home | 1,158 | 150 | 1,008 |
36 శాఖల పూర్తి జాబితా కింద ఇచ్చిన మెమో PDF లోని Annexure-1 లో చూడవచ్చు.
తరచుగా అడిగే ప్రశ్నలు
ప్ర: పోస్టర్ ఎవరు డౌన్‌లోడ్ చేయాలి?
జ: ఆ కార్యాలయంలో పనిచేసే ఏ ఉద్యోగి అయినా తన CFMS ID తో APSSO → EPTS ద్వారా డౌన్‌లోడ్ చేయవచ్చు.
ప్ర: ఏ సైజ్‌లో ప్రింట్ తీయాలి?
జ: A2 సైజ్ (420 × 594 mm), కలర్ ప్రింట్, ఫ్రేమ్‌తో.
ప్ర: పోస్టర్ పెడితే చాలా?
జ: సరిపోదు. పెట్టిన పోస్టర్ ఫోటోను EPTS లో "Upload QR Code Photo" ద్వారా అప్‌లోడ్ చేస్తేనే ప్రదర్శించినట్లు నమోదవుతుంది.
ప్ర: ప్రజలు ఈ QR ద్వారా ఏం చేస్తారు?
జ: కార్యాలయానికి వచ్చినవారు QR స్కాన్ చేసి ఆ కార్యాలయం, ఉద్యోగుల పనితీరుపై తమ అభిప్రాయం తెలియజేస్తారు.
