ఆంధ్రప్రదేశ్ పబ్లిక్ సర్వీస్ కమిషన్ (APPSC) గ్రూప్-2 సర్వీసుల నియామకానికి Notification No. 37/2026 కు సంబంధించిన పూర్తి (Detailed) నోటిఫికేషన్‌ను 10-11-2026న విడుదల చేసింది. అక్టోబర్ 13న వచ్చిన బ్రీఫ్ నోటిఫికేషన్‌లో 686 ఖాళీలు చూపగా, పూర్తి నోటిఫికేషన్‌లో మొత్తం 720 పోస్టులు (ఎగ్జిక్యూటివ్ 471 + నాన్-ఎగ్జిక్యూటివ్ 249) ఉన్నాయి. ఏ డిగ్రీ ఉన్నవారైనా చాలా పోస్టులకు అర్హులు. ప్రభుత్వ ఉద్యోగంలో ఉన్నవారు కూడా దరఖాస్తు చేయవచ్చు, కానీ ఆ విషయాన్ని తమ కార్యాలయ అధిపతికి రాతపూర్వకంగా తెలియజేయాలి.
| నోటిఫికేషన్ | No. 37/2026, తేదీ 10-11-2026 |
| మొత్తం పోస్టులు | 720 (Executive 471, Non-Executive 249) |
| ఆన్‌లైన్ దరఖాస్తు | 10-11-2026 నుండి 11-12-2026 రాత్రి 11:59 వరకు |
| స్క్రీనింగ్ టెస్ట్ | 21-02-2027 (OMR పద్ధతి) |
| మెయిన్స్ | కంప్యూటర్ ఆధారిత పరీక్ష (CBRT) – తేదీ తర్వాత ప్రకటిస్తారు |
| ఫీజు | ₹250 ప్రాసెసింగ్ + ₹80 పరీక్ష ఫీజు |
| వయస్సు (01-07-2026 నాటికి) | సాధారణంగా 18–44 సంవత్సరాలు |
| వెబ్‌సైట్ | psc.ap.gov.in |
ఎగ్జిక్యూటివ్ పోస్టులు (471)
| కోడ్ | పోస్టు | ఖాళీలు | వయస్సు | పే స్కేల్ (₹) |
|---|---|---|---|---|
| 01 | Municipal Commissioner Gr-III | 6 | 21–44 | 45,830 – 1,30,580 |
| 02 | Deputy MPDO | 176 | 18–44 | 45,830 – 1,30,580 |
| 03 | Assistant Registrar (Co-op Societies) | 10 | 18–44 | 45,830 – 1,30,580 |
| 04 | Deputy Tahsildar | 203 | 18–44 | 44,570 – 1,27,480 |
| 05 | Sub-Registrar Gr-II | 7 | 18–44* | 44,570 – 1,27,480 |
| 06 | GST Officer (Commercial Tax) | 40 | 18–44 | 44,570 – 1,27,480 |
| 07 | Prohibition & Excise Sub-Inspector | 29 | 18–30 | 40,970 – 1,24,380 |
* Sub-Registrar వయస్సు నోటిఫికేషన్‌లో 20–44 అని ఉండగా, 12-11-2026 నాటి Corrigendum ద్వారా 18–44 గా సవరించారు. Excise SI పోస్టుకు ఎత్తు, ఛాతీ, దృష్టి ప్రమాణాలు కూడా ఉన్నాయి.
నాన్-ఎగ్జిక్యూటివ్ పోస్టులు (249)
| కోడ్ | పోస్టు | ఖాళీలు | పే స్కేల్ (₹) |
|---|---|---|---|
| 08 | ASO (GAD) – సెక్రటేరియట్ | 71 | 40,970 – 1,24,380 |
| 09 | ASO (Finance Dept) | 5 | 40,970 – 1,24,380 |
| 10 | ASO (Law Dept) | 4 | 40,970 – 1,24,380 |
| 11 | Senior Accountant (HODs) | 90 | 34,580 – 1,07,210 |
| 12 | Senior Accountant (Districts – Visakhapatnam) | 1 | 34,580 – 1,07,210 |
| 13 | Junior Accountant (HODs) | 47 | 25,220 – 80,910 |
| 14–30 | Junior Office Assistant (వివిధ HOD కార్యాలయాలు) | 31 | 25,220 – 80,910 |
వయస్సు అన్ని నాన్-ఎగ్జిక్యూటివ్ పోస్టులకు 18–44. ASO (Finance) కు Maths/Economics/Commerce డిగ్రీ, ASO (Law) కు Law డిగ్రీ అవసరం. Accountant పోస్టులకు డిగ్రీతో పాటు SBTET కంప్యూటర్ సర్టిఫికెట్ (Office Automation మొదలైనవి) లేదా కంప్యూటర్ డిగ్రీ ఉండాలి.
కర్నూలు, నంద్యాల అభ్యర్థులకు – జోన్-VI
ఎగ్జిక్యూటివ్ పోస్టులు (కోడ్ 01–07) జోనల్ పోస్టులు. జోన్-VI లో నంద్యాల, అనంతపురం, కర్నూలు, శ్రీ సత్యసాయి జిల్లాలు ఉన్నాయి. ఒక్కో జోన్‌లో 95% లోకల్ రిజర్వేషన్ వర్తిస్తుంది. 4 నుంచి 7వ తరగతి వరకు చదివిన ప్రాంతం ఆధారంగా లోకల్ స్టేటస్ నిర్ణయిస్తారు, కాబట్టి స్టడీ సర్టిఫికెట్లు సిద్ధంగా ఉంచుకోండి.
| పోస్టు | జోన్-VI ఖాళీలు |
|---|---|
| Deputy Tahsildar | 34 |
| Deputy MPDO | 32 |
| GST Officer | 5 |
| Excise Sub-Inspector | 2 |
| Municipal Commissioner Gr-III | 1 |
| Assistant Registrar (Co-op) | 1 |
ASO, Accountant, Junior Office Assistant పోస్టులు రాష్ట్రస్థాయి పోస్టులు – వీటికి లోకల్ రిజర్వేషన్ లేదు.
వయో సడలింపు
- SC, ST, BC, EWS – 5 సంవత్సరాలు
- దివ్యాంగులు (PBD) – 10 సంవత్సరాలు
- రెగ్యులర్ AP రాష్ట్ర ప్రభుత్వ ఉద్యోగులు – చేసిన సర్వీసు మేరకు గరిష్ఠంగా 5 సంవత్సరాలు (కార్పొరేషన్లు, మున్సిపాలిటీల ఉద్యోగులకు వర్తించదు)
- మాజీ సైనికులు – 3 సంవత్సరాలు + సర్వీసు కాలం
పరీక్షా విధానం
| దశ | వివరాలు |
|---|---|
| స్క్రీనింగ్ టెస్ట్ | General Studies & Mental Ability – 150 ప్రశ్నలు, 150 మార్కులు, 150 నిమిషాలు. చరిత్ర, భూగోళం, భారతీయ సమాజం, కరెంట్ అఫైర్స్, మెంటల్ ఎబిలిటీ – ఒక్కోదానికి 30 మార్కులు. |
| మెయిన్స్ పేపర్-1 | AP సామాజిక-సాంస్కృతిక చరిత్ర (75) + భారత రాజ్యాంగం (75) = 150 మార్కులు |
| మెయిన్స్ పేపర్-2 | భారత, AP ఆర్థిక వ్యవస్థ (75) + సైన్స్ & టెక్నాలజీ (75) = 150 మార్కులు |
| కంప్యూటర్ ప్రొఫిషియెన్సీ టెస్ట్ (CPT) | అర్హత పరీక్ష మాత్రమే – 100 మార్కులు, 60 నిమిషాలు |
ప్రతి తప్పు సమాధానానికి 1/3 మార్కు కోత (నెగటివ్ మార్కింగ్) ఉంది. స్క్రీనింగ్ నుంచి ఖాళీలకు 50 రెట్లు అభ్యర్థులను మెయిన్స్‌కు ఎంపిక చేస్తారు. తుది ఎంపిక మెయిన్స్ మార్కుల ఆధారంగా, CPT అర్హతకు లోబడి ఉంటుంది. కర్నూలు, నంద్యాలతో సహా అన్ని జిల్లా కేంద్రాల్లో పరీక్షలు జరుగుతాయి.
దరఖాస్తు విధానం
- psc.ap.gov.in లో OTPR (One Time Profile Registration) లేకపోతే ముందు చేసుకోండి. ఉంటే వివరాలు సరిచూసుకోండి.
- OTPR ID, పాస్‌వర్డ్‌తో లాగిన్ అయి "Online Application Submission" క్లిక్ చేయండి.
- Notification 37/2026 ఎదుట "Fill Application" ఎంచుకుని లోకల్ స్టేటస్, పోస్టు ప్రాధాన్యతలు, పరీక్షా కేంద్రాలు (3 ప్రాధాన్యతలు) నింపండి.
- "Save & Submit" నొక్కితేనే పేమెంట్ లింక్ వస్తుంది. కేవలం "Save" చేస్తే దరఖాస్తు పూర్తి కాదు.
- ఫీజు చెల్లించిన తర్వాత దరఖాస్తు PDF డౌన్‌లోడ్ చేసి భద్రపరచుకోండి.
చివరి తేదీ తర్వాత 7 రోజుల పాటు సవరణలకు అవకాశం ఉంటుంది (ఒక్కో సవరణకు ₹100). పేరు, ఫీజు, వయో సడలింపు సంబంధిత అంశాలు మార్చడానికి వీలుండదు.
ఫీజు మినహాయింపు
₹250 ప్రాసెసింగ్ ఫీజు అందరూ చెల్లించాలి. ₹80 పరీక్ష ఫీజు నుంచి SC, ST, BC, దివ్యాంగులు, మాజీ సైనికులు, AP వైట్ రేషన్ కార్డు కుటుంబాలు, G.O.Ms.No.439 ప్రకారం నిరుద్యోగ యువతకు మినహాయింపు ఉంది. ఇతర రాష్ట్రాల అభ్యర్థులు పూర్తి ఫీజు చెల్లించాలి.
అధికారిక PDFలు (డౌన్‌లోడ్)
కింది PDFలు APPSC వెబ్‌సైట్ నుంచి తీసుకున్న అధికారిక కాపీలే:
- గ్రూప్-2 పూర్తి నోటిఫికేషన్ No.37/2026 (10-11-2026)
- APPSC వెబ్ నోట్ – దరఖాస్తు తేదీలు (10-11-2026)
- Corrigendum – Sub-Registrar వయస్సు సవరణ (12-11-2026)
తరచుగా అడిగే ప్రశ్నలు
ప్ర: ఉపాధ్యాయులు / ప్రభుత్వ ఉద్యోగులు దరఖాస్తు చేయవచ్చా?
జ: చేయవచ్చు. వయో పరిమితిలో సర్వీసు మేరకు గరిష్ఠంగా 5 సంవత్సరాల సడలింపు లభిస్తుంది. దరఖాస్తు చేసినట్లు తమ కార్యాలయ అధిపతికి రాతపూర్వకంగా తెలియజేయాలి.
ప్ర: చివరి తేదీ నవంబర్ 30 కాదా?
జ: కాదు. APPSC పూర్తి నోటిఫికేషన్ ప్రకారం చివరి తేదీ 11-12-2026 రాత్రి 11:59.
ప్ర: ప్రశ్నపత్రం ఏ భాషలో ఉంటుంది?
జ: ఇంగ్లీష్‌లో తయారుచేసి తెలుగులోకి అనువదిస్తారు. మూల్యాంకనానికి ఇంగ్లీష్ వెర్షన్ ప్రామాణికం.
ప్ర: డిస్టెన్స్ / ఓపెన్ యూనివర్సిటీ డిగ్రీ చెల్లుతుందా?
జ: DEC గుర్తింపు ఉన్న డిగ్రీ అయితే చెల్లుతుంది. గుర్తింపు నిరూపించే బాధ్యత అభ్యర్థిదే.
