సస్పెన్షన్లు-ప్రవర్తనా నియమావళి-CCA రూల్స్
సస్పెన్షన్ కాలంలో సెలవుల మంజూరు
FR-55 ప్రకారం సస్పెండు అయిన ఉద్యోగికి సస్పెన్షన్ కాలములో ఎలాంటి సెలవులు మంజూరు చేయకూడదు. ఇది సాధారణ నియమం, అయితే కొన్ని ప్రత్యేక పరిస్థితులలో మినహాయింపులు ఉండవచ్చు.
సస్పెన్షన్ కాలంలో పదోన్నతి
సస్పెన్షన్ లో ఉన్న ఉద్యోగి తీవ్రమైన ఆరోపణలు ఎదుర్కొంటూన్నట్లయితే అతనికి పదోన్నతి (Promotion) కల్పించటకు అవకాశము లేదని ప్రభుత్వం G.O.Ms.No.257 తేది:10-06-1999 ద్వారా తెలియజేసింది. పదోన్నతి కోసం పరిగణనలోకి తీసుకోవడానికి ఉద్యోగి సక్రియ సేవలో ఉండటం అవసరం.
సూచన: G.O.Ms.No.257, తేది:10-06-1999
సస్పెన్షన్ కాలంలో పదవీ విరమణ
ప్రభుత్వ ఉద్యోగికి సస్పెన్షన్ కాలములో పదవీ విరమణ వయస్సు వచ్చినయెడల అతనిపై ఉన్న క్రమశిక్షణా చర్యలు పెండింగ్లో ఉన్న యెడల అట్టివానికి భంగం కలగకుండా ఆ ఉద్యోగిని పదవీ విరమణ గావించవలెను.
సూచన: G.O.Ms.No.64 F&P తేది:01-03-1979, Section 3 of A.P.Public Employment of the age of superannuation Act 1984
సస్పెన్షన్ లో ఉంటూ చనిపోయిన ఉద్యోగి విషయంలో
సస్పెన్షన్ లో ఉంటూ చనిపోయిన ఉద్యోగిపై క్రమశిక్షణా చర్యలు పుర్తిగాకుండా అసంపూర్తిగా ఉన్న సమయంలో సస్పెన్షన్ లో ఉన్న ఉద్యోగి చనిపోయిన యెడల, సస్పెన్షన్ కాలాన్ని డ్యూటీ క్రింద పరిగణించవలెనని ప్రభుత్వం ఉత్తర్వులు జారీచేసింది.
సూచన: G.O.Ms.No.275 F&P తేది:08-08-1997
సస్పెన్షన్ కాలంలో రాజీనామా
AP స్టేట్ అండ్ సబార్డినేట్ సర్వీస్ రూల్స్-1996 లోని రూలు.30 ప్రకారం సస్పెన్షన్ ఉన్న ఉద్యోగి క్రమశిక్షణా చర్యల గురించి విచారణ పూర్తికాకముందే ఏ కారణము చేతనైన తన పదవికి రాజీనామా చేసిన యెడల అట్టి రాజీనామా అంగీకరించకూడదు. ఇలాంటి సందర్భాలలో విచారణ పూర్తి చేయడం ముఖ్యం.
సస్పెన్షన్ కాలపరిమితి
రెండు సం॥ కంటే ఎక్కువ కాలం సస్పెన్షన్ లో ఉన్న ఉద్యోగి యొక్క క్రమశిక్షణా చర్యలు పెండింగ్లో పెడుతూ వెంటనే సర్వీసలోకి పునరుద్ధరించవలెను. కొన్ని ప్రత్యేక పరిస్థితులలలో మాత్రమే సస్పెన్షన్ కొనసాగిన్చవచ్చు.
సూచన: G.O.Ms.No.526 GAD తేది:19-08-2008
జీవనాధార భత్యము
సస్పెన్షన్ కాలంలో ఉద్యోగి జీవనాధారంగా వున్న ఉద్యోగం ద్వారా జీతభత్యాలు పొందు అర్హత ఉండదు కాబట్టి, అట్టి ఉద్యోగికి జీవనాధారంగా భత్యములు చెల్లించు అవకాశం FR-53 లోని నియమ నిబంధనలకులోబడి చెల్లించే విధానాలు ప్రభుత్వం కల్పించింది.
పునరుద్ధరణ ఉత్తర్వుల ఫారం
సస్పెండ్ అయిన ఉద్యోగిని తిరిగి సర్వీసులో పునరుద్ధరించే సందర్భంలో జారీచేయవలసిన ఉత్తర్వుల ఫారం ప్రభుత్వం నిర్దేశించింది.
సూచన: G.O.Ms.No.82 GAD తేది:01-03-1996
ధృవీకరణ పత్రము
సస్పెండ్ అయిన ఉద్యోగి తాను సస్పెండ్ అయిన తర్వాత ఏ విధమైన ఉద్యోగం గాని/వృత్తి గాని/వ్యాపారం గాని యితరత్రా వ్యాపకం గాని చేయటం లేదని ధృవీకరణ పత్రము అధికారికి అందజేయవలెను. ఇది సస్పెన్షన్ కాలంలో ఇతర ఉద్యోగాలు చేయకుండా ఉండటానికి ఒక నిర్బంధకం.
జీవనాధార భత్యము తిరస్కరించరాదు
జీవనాధార భత్యము సస్పెండ్ అయిన ఉద్యోగికి తిరస్కరించరాదు. జీవనాధార భత్యము(Subsistance Allowance) చెల్లింపులు తిరస్కరించటం శిక్షించదగ్గ నేరము.
సూచన: Govt.memo.no.29730/A/458/A2/FR-II/96/F&P తేది:14-10-1996
సస్పెన్షన్ కాలాన్ని సెలవుగా మార్చడం
సస్పెన్షన్ కాలాన్ని డ్యూటీలో లేని కాలం(Non Duty) గా పరిగణించినప్పుడు ఉద్యోగి అభ్యర్ధనమేరకు సెలవుగా మార్పు (Convert) చేసినపుడు అతని సెలవు జీతములో నుంచి అతనికి ఇదివరకే చెల్లించియున్న జీవనభృతి లో మొత్తం రికవరీచేయాలి.
సస్పెన్షన్ బదులు బదిలీ
ఉద్యోగిని చిన్న కారణాల వల్ల న్యాయ సమ్మతము గాని సస్పెండ్ చేసే బదులు అతనిని బదిలీచేయవచ్చు. అట్టి బదిలీ కాబడిన ఉద్యోగి బదిలీ కాబడిన కొత్త స్థానంలో చేరకుండా సెలవు పెట్టిన యెడల అట్టి సెలవు మంజూరుచేయకూడదు.
సూచన: Govt.circular.memo.no.595SP/B/2000 తేది:21-09-2000 & Govt.memo.no.1733/ser.C GAD 03-08-1967
అనవసర సస్పెన్షన్లు
ఉద్యోగులను సర్వసాధారణమైన సామాన్య కారణాలపై అనవసరంగా సస్పెండు చేయకూడదు. ఆ విధంగా సస్పెండు కాబడిన ఉద్యోగికి జీవనాధార భృతి చెల్లించటమే కాకుండా, అతని సేవలు కూడా ప్రభుత్వం పోగొట్టుకుంటుంది. అందువలన అనవసర కారణాల వల్ల ఉద్యోగిని సస్పెండు చేయకూడదు.
సూచన: Govt.memo.no.2213/ser.C/66-1 GAD తేది: 30-11-1966 & memo no.4993/police-C/69-1 తేది:08-12-1969
ముఖ్యమైన గమనిక: సస్పెన్షన్ అనేది ఒక తాత్కాలిక చర్య మాత్రమే, శిక్ష కాదు. సస్పెన్షన్ కాలంలో కూడా ఉద్యోగి యొక్క ప్రాథమిక హక్కులు రక్షించబడతాయి మరియు అతనికి జీవనాధార భత్యం చెల్లించడం తప్పనిసరి.
