ఉపాధ్యాయులకు ఉపయోగకరమైన ముఖ్య ప్రశ్నలు – సమాధానాలు
⁉️ ప్రశ్న: పిహెచ్ అలవెన్స్ ఏ ఏ సందర్భాలలో కోత విధిస్తారు?
✅ జవాబు: సిఎల్ మినహా మిగిలిన సెలవులలో ఉన్నప్పుడు, వేసవి, దసరా, సంక్రాంతి సెలవులలో పిహెచ్ అలవెన్స్ చెల్లించరు.
⁉️ ప్రశ్న: ఆగష్టు 15, జనవరి 26 రోజుల్లో హాజరు సంతకం/బయోమెట్రిక్ అవసరమా?
✅ జవాబు: అవసరం లేదు. ఇవి సెలవు దినాలు. అయితే పాఠశాల కార్యక్రమాలకు హాజరు కావాలి.
⁉️ ప్రశ్న: సర్వీస్ బుక్లో “సెన్సూర్” శిక్ష అంటే ఏమిటి?
✅ జవాబు: CCA Rule 9(i) మరియు GO MS No.53 (04-02-1997) ప్రకారం ఇది స్వల్ప దండన. 1 సంవత్సరం పాటు పదోన్నతికి అర్హత ఉండదు.
⁉️ ప్రశ్న: డెలివరీ & వెంటిలేషన్ ఖర్చులు మెడికల్ రీయంబర్స్ మెంట్లో క్లయిమ్ చేయవచ్చా?
✅ జవాబు: అవును. గరిష్టంగా ₹2 లక్షల వరకు క్లయిమ్ చేయవచ్చు. GO MS No.74 (15-03-2005) ప్రకారం డెలివరీ ఖర్చులు కూడా చెల్లిస్తారు. రిఫరల్ హాస్పిటల్ కావాలి.
⁉️ ప్రశ్న: ఇంటి నిర్మాణం పూర్తికాకముందే వడ్డీపై IT మినహాయింపు వస్తుందా?
✅ జవాబు: నిర్మాణం పూర్తయ్యాక మాత్రమే మినహాయింపు. ముందుగా చెల్లించిన వడ్డీని తర్వాత 5 సంవత్సరాలలో క్లయిమ్ చేయవచ్చు.
⁉️ ప్రశ్న: DSC ద్వారా కొత్త జిల్లాలో ఎంపికైతే వేతన రక్షణ ఉంటుందా?
✅ జవాబు: ఉన్నతాధికారుల అనుమతితో పరీక్ష రాసినట్లయితే వేతన రక్షణ ఉంటుంది.
⁉️ ప్రశ్న: పెన్షన్ కమ్యుటేషన్ పై సీలింగ్ ఉందా?
✅ జవాబు: పెన్షన్లో గరిష్టంగా 40% మాత్రమే కమ్యుట్ చేయవచ్చు. మొత్తం పై సీలింగ్ లేదు.
⁉️ ప్రశ్న: ట్యూబెక్టమీ సెలవు & పెటర్నిటీ లీవ్ రెండూ వాడుకోవచ్చా?
✅ జవాబు: అవును. రెండూ వేర్వేరు ప్రయోజనాల కోసం. ట్యూబెక్టమీ సెలవు వెంటనే, పెటర్నిటీ లీవ్ 6 నెలల్లో వాడుకోవచ్చు.
⁉️ ప్రశ్న: 240 రోజులకంటే ఎక్కువ కమ్యుటెడ్ లీవ్ వాడితే ఏమవుతుంది?
✅ జవాబు: Rule 15B(i) ప్రకారం 240 రోజులు మాత్రమే అనుమతి. అదనపు రోజులు అర్థజీతపు సెలవుగా మార్చి తేడా మొత్తాన్ని రికవరీ చేస్తారు.
